જીત પર હસતો રહ્યો ને હાર પર હસતો રહ્યો,
ફૂલની શૈયા ગણી અંગાર પર હસતો રહ્યો.
ઓ મુસીબત ! ઍટલી ઝીંદાદિલી ને દાદ દે;
તેં ધરી તલવાર તો હું ધાર પર હસતો રહ્યો.

કોઈના ઈકરાર ને ઈન્કાર પર હસતો રહ્યો,
જે મળ્યો આધાર ઍ આધાર પર હસતો રહ્યો.
કોઈની મહેફિલ મહીં થોડા ખુશામદખોરમાં
ના સ્વીકાર્યુ સ્થાન,ને પગથાર પર હસતો રહ્યો.


ફૂલ આપ્યા ને મળ્યા પથ્થર કદી,તો તેનેય પણ,
પ્રેમથી પારસ ગણી દાતાર પર હસતો રહ્યો.
જીવતો દાટી કબરમાં ઍ પછી રડતાં રહ્યા,
હું કબરમાં પણ કરેલા પ્યાર પર હસતો રહ્યો।

નાવ જે મજધાર પર છોડી મને ચાલી ગઈ,
ઍ કિનારે જઈ ડૂબી,હું ધાર પર હસતો રહ્યો.
ભોમિયાને પારકો આધાર લેતો જોઈને,
દૂર જઈ ઍ પાંગળી વણઝાર પર હસતો રહ્યો..........................